Suicide

數日前 在返家路上
睇見朋友在搬屋
一問之下
原來我其中一個好好既老友(老友B)
燒炭自殺, 入了ICU
佢老婆和朋友正幫手搬傢俬回佢屋企
問佢老婆點解佢自殺
她說煩朋友, 煩工作
她反問我佢老公有沒有和我說什麼

我和這個死黨13, 14年朋友了
同佢(老友B)和另一老友(老友M)
每逢第二日放假前一晚就去飲酒
第二朝先返屋企
那時候飲酒, 真的什麼都講
由細細個講到第時搵咩老婆都講一餐
3個麻甩佬完全冇秘密
之後老友M係老友B結婚前同佢絕交
原因......唉
不過LEE一年, 以為佢地冇咩見面
大家應該冇咩事
點知......世事難料
第二晚又撞見老友B老婆, 同佢傾左陣
先知有一晚有個 FD (朋友F) 結婚擺酒
另一個 FD (朋友H) 因為剛剛失戀
朋友H的前女友有第三者而散
個晚老友B, 朋友H 飲到斷晒片
唔知好唔好彩, 我個日有野做冇去
如果唔係......真係唔知會點

由頭都尾我都冇因為老友B自殺而嬲佢
由我識老友B, 老友M 既時候
我就知道佢地覺得佢地既人生只得40歲命
佢地背後都有一個好悽慘既故事
玩, 結婚, 食煙, 喪飲......等等所有野
對佢地黎講只不過係佢地人生既一個小遊戲
朋友既價值觀我從來都不干涉
因為人人都有佢選擇既人生
我, 作為佢地既老友
只可以盡量去明白佢地背後既悲傷
朋友, 愛人, 親人 - 有今生, 冇來世
我可以為他們做的, 我都會做

之前從來都冇想過自殺既自己
係剛剛過去既幾個星期竟然有自殺既念頭
不過我已經冇事了
但現在係時候問下自己
點解我會想自殺?
反問自己係令自己去正視問題
唔想下次再咁樣了

Life is hard
Life is short
That's why I want to do what I want in coming days
No regret when I bury six feets under